ILKPKI: Hetimi do të shtrihet edhe tek familjarët e tij
Inspektoriati i Lartë i Deklarimit të Pasurisë (ILDKPKI) ka filluar hetimin pasuror për Kryetarit të Autoritetit të Medias Audiovizive (AMA), Gentian Sala.
ILDPKI bën me dije se “nisur nga njoftimet në media në lidhje me pasurinë e zotëruar nga Kryetari i Autoritetit të Medias Audiovizive, Z. Gentian Sala dhe nga bashkëshortja e tij Znj. Dorela Sala, Inspektori i Përgjithshëm bazuar në ligjin “Për parandalimin e konfliktit të interesave në ushtrimin e funksioneve publike”, ka urdhëruar fillimin e procedurave të kontrollit të plotë dhe hetimit administrativ për të gjitha deklaratat e interesave private të subjektit Gentian Sala” thuhet në njoftimin për median.
Gjithashtu ILKPKI deklaron se hetimi do të shtrihet edhe tek familjarët, bashkëshortja e tij, fëmijët, si dhe personat e lidhur më të.
“Objekt i këtij kontrolli nuk do të jenë vetëm pasuritë e subjektit në fjalë, burimet e krijimit dhe ligjshmëria e tyre, por gjithashtu edhe gjendja e konfliktit të interesit. Mbledhja e të dhënave dhe informacioneve, kryerja e veprimeve verifikuese dhe hetimit administrativ do të shtrihet edhe për familjarët, bashkëshorten e tij, fëmijët, si dhe personat e lidhur”.
Inspektori i Përgjithshëm ka kërkuar kryerjen e një hetimi tërësor brenda një kohe sa më të shpejtë të mundshme.
