Gjatë kontrolleve të ushtruara në orët e para të mëngjesit të sotëm, policia ka arrestuar katër persona dhe njërin e ka shpallur në kërkim për ilaçe kontrabandë, drogë dhe armë. Nga tre operacionet janë sekuestruar armë zjarri, fishekë, medikamente të ndryshme mjekësore, automjete edhe celular. Ndërkohë që në total janë verifikuar dhe kontrolluar 22 mjete dhe 79 persona.
Rasti i parë
Në rrugën e “Barrikadave” u arrestua Arion Lleshi 22 vjeç, banues në Tiranë, pasi gjatë kontrollit në ushtruar në automjetin e tij tip “Seat”, iu gjetën 40 lloje të ndryshme medikamentesh mjekësore të cilat ishin pa pullë të Agjencisë Kombëtare të kontrollit të barnave, si dhe u shpall në kërkim e bashkëpunëtori i tij, shtetasit L. Ll. (administrator i një subjekti farmaceutik).
Rasti i dytë
Në Babrru në rrugën “Riza Cuka” u arrestuan dy persona, pasi gjatë kontrollit të ushtruar iu gjetën kanabis.
Klajdi Pillati 23 vjeç banues në Tiranë u arrestua, pasi iu gjet dhe sekuestrua 8.8 gramë lëndë e dyshuar narkotike Cannabis Sativa.
Igli Keçi 19 vjeç, banues po në Tiranë u arrestua pasi gjatë kontrollit të ushtruar në rrugën “Riza Cuka”, iu gjet dhe bllokua 1 gramë lëndë e dyshuar narkotike Cannabis Sativa.
Rasti i tretë
Në Farkë u arrestua Ahmet Mashollari 50 vjeç, pasi gjatë kontrollit të ushtruar në banesë iu gjet dhe sekuestrua një armë zjarri “Pushkë” dhe një sasi fishekësh.
Sekuestrimet në total për të tre rastet;
– 40 medikamente të ndryshme mjekësore
– aparate celular
– automjet tip “Seat”
– armë zjarri “Pushkë” me fishekë
– 9.8 gramë me lëndë të dyshuar narkotike të llojit “Cannabis Sativa”
Ndërsa gjatë kontrolleve u arrestua në rrugën “Mine Peza” Mario Shalari 25 vjeç për të cilin Gjykata e Shkallës së Parë Tiranë ka caktuar masën e sigurisë “Arrest me burg” për përndjekje.
