Nga Rexhep Rada
Në Shqipërinë e vitit 2017, ku zhgënjimi është i madh dhe shpresat jane venitur, popullit i kanë ikur mendimet elitare, dhe diskutojnë për orë me radhë në lidhje me batutat e pushtetarëve. Injorantët nuk i vlerësojnë politikanët nga punët konkrete, por lavdërojnë ato që bëjnë batuta.
“Sa bukur ja futi atij… sa bukur ja ktheu… ai po është i aftë… “Dhe këtë popull injorant e kanë kuptuar dhe i japin atë çfarë ai do më tepër: “Spektaklin tallës”.
Më kujtohen tekstet për Parisin e disa shekujve më parë, ku monarkët shpenzonin një pjesë të mirë të buxhetit për festat e fundivitit, ku të varfërve u jepej disa ditë ushqim falas e organizoheshin lojëra argëtuese për të varfërit. Një ministër i asaj kohe i thotë mbret Luigjit që kjo pjesë e buxhetit të mos hidhej kot për këto lojëra karagjozësh dhe për bukën falas, por të investohej për përmirësimin e bujqësisë dhe zhvillimin e vendit, pasi kështu popullit i kthehej shumëfish dhe do rriste mirëqenien. Përgjigjja e monarkut që e prerë: Populli injorant do lojëra e bukë falas, nuk është mirënjohës po e zhvillove që t’i rriten të ardhurat. Dhe ai Luigj mbretëroi shumë gjatë…
Pra, një popull injorant do show, do spektakël, do batuta… do karagjoza me pak fjalë… E kështu politikanët tanë shndërrohen në aktorë Portokallie dhe showmen-a tek të dielat e ekraneve shqiptare.
Sa bukur po tallen me ju …. dhe sa bukur po qeshni…
Edhe një vit tjetër bosh duke diskutuar për goditje çizmesh dhe vende pune që jepen babagjyshat…
