IKMT ka nisur mëngjesin e sotëm shembjen e banesave të tjera në lagjen “5 Maji” në Tiranë. Ndonëse aksioni ishte paralajmërua se do të niste në orën 10:00, fadromat e IKMT kanë nisur punën që prej orës 07:10. Ndryshe nga herët e kaluara, banorët nuk kanë dalë të protestojnë sot kundër shembjes së banesave të tyre.
Shembja e këtyre banesave vjen si pasojë e projektit të rindërtimit, ku në total preken 430 ndërtesa. Banorët kanë protestuar që prej 19 janarit kundër shembjes, duke argumentuar se ka paqartësi për masën dhe periudhën e dëmshpërblimit.
Banorët kanë bërë rezistencë, pasi sipas tyre shembja e banesave është kundër ligjit dhe se nuk kanë bërë asnjë marrëveshje me Bashkinë e Tiranës sa i përket bonusit të qirave dhe se nuk dinë se ku të shkojnë.
