Ditën e djeshme Inspektorati Kombëtar i Mbrojtjes së Territorit ka vendosur t’i bllokojë aktivitetin subjektit “Bankers Petrolium”. Por me sa duket kompania në fjalë, është e plotfuqishme dhe nuk pyet për ligjin, ndaj ditën e sotme ka vazhduar punën sikur të mos ketë ndodhur asgjë.
Kujtojmë se IKMT vendosi bllokimin pasi konstatoi se Bankers kryente aktivitetin në shkelje të ligjit për mbrojtjen e mjedisit. Por edhe sot kompania në fjalë vazhdon të ndoti mjedisin pa e prishur fare terezinë.
Ndaj subjektit është vendosur masa administrative dënim me gjobë në vlerën 2 000 000 lekë dhe është pezulluar aktiviteti, dhe nuk dihet nëse kjo gjobë është paguar. Shqetësues mbetet fakti pse IKMT dhe instancat e tjera përgjegjëse nuk veprojnë më tutje.
