Mauro Ikardi nuk ka kaluar një sezon të mirë me Interin.
Por, sulmuesi argjentinas i ka shpallur dashurinë ekipit zikaltër, duke thënë se nuk ka ndërmend të largohet, edhe pse për të interesohen Real Madrid dhe Mançester Junaited.
“Dua të qëndroj te Interi. Jam i lumtur këtu dhe dëshiroj të fitojë dicka me këtë klub.
Mancester Junaited? Ata nuk do të jenë as skuadra e parë dhe as e fundit që unë do të refuzoj.
Ndihem shkëlqyer në Milano dhe vëmendja ime është e gjitha te Interi.
Duam të kualifikohemi në Champions League dhe jam i bindur se do ta arrimë këtë objektiv”, thotë 22-vjeçari, që është edhe kapiteni i zikaltërve.
Ai komenton edhe marrëdhëniet me trajnerin Mançini dhe Stevan Jovetiç.
“Me Mancinin kam një raport të shkëlqyer. Në fillim të sezonit më ka kërkuar që të shënoj 15 deri në 20 gola.
Është mëse normale që trajneri të ketë kërkesa të tilla kundrejt meje pasi mbi të gjitha më motivon.
Asnjëherë nuk kam patur probleme me të madje edhe kur jam ulur në stol.
Jovetic? Edhe me të kam një raport shumë të mirë, ndoshta kemi mënyra të ndryshme të luajturit nga njëri-tjetri, por jam i bindur se do të rritemi me kalimin e muajve”, thotë argjentinasi.
