Shpërthen administratori Sinan Idrizi i Flamurtarit. Pasi është zgjidhur problem i pagave të prapambetura, flitet për 750 mijë dollarë, që sot do të shpërndahet në llogaritë e futbollistëve dhe stafit, ka mbërritur edhe një autobus i personalizuar, me të cilin do të udhëtojë Flamurtari gjatë aktivitetit. Në fakt, gjatë kësaj periudhe, numri 1 i klubit vlonjat është marrë shumë me infrastrukturën, duke filluar nga një rikonstruksion i stadiumit, fushës stërvitore tek Pylli i Sodës dhe për komoditetin e futbollistëve vjen edhe një autobus luksoz, për të qenë sa më dinjitoz në transferta.
