Bashkëshortja e ka njohur në morg Admir Muratajn, duke konfirmuar zyrtarisht se personi që u vra dje pas grabitjes në Rinas në një rrugë dytësore, teksa u shkëmbye zjarr me FNSH-të, është pikërisht ai.
Gazetari Klajdi Bodlli që ndodhet në ambientet e morgut të Tiranës, aty ku familjarët po presin për të marrë trupin ka mundur të sigurojë për “BalkanWeb” edhe një video të momentit kur bashkëshortja e Muratjat del nga morgu.
Ajo shfaqet e tronditur, teksa qan pas identifikimit të trupit të viktimës. Murataj u vra dje pas grabitjes së 10 milion eurove të katër bankave të nivelit të dytë, që po transportoheshin drejt Vjenës.
Pasi kishin marrë paratë, grupi me pesë grabitës janë përballur në një rrugë dytësore me forcat e FNSH-së, të cilat i kanë ndjekur dhe gjatë shkëmbimit të zjarrit, Murataj ka mbetur i vdekur. Ai mbante në fytyrë një maskë silikoni, ndërsa mësohet se vdekja i ka ardhur pas të shtënave me armë në kokë.
