Mediat Belge kanë identifikuar shqiptarin i cili është gjetur i vrarë mëngjesin e sotëm në Belgjikë. Bëhet fjalë për Klodjan Turjan trupi i pajetë i të cilit është gjetur në një bllok apartamentesh në qendër të qytetit Roeselare.
Nga këqyrja paraprake ka rezultuar se shqiptarit ia ka shkaktuar vdekjen një plumb që i është gjetur në pjesën e pasme të kokës.
“Viktima kishte plagë të shkaktuara nga arma e zjarrit në pjesën e pasme të kokës. Kjo është një ngjarje e dyshimtë dhe ende nuk mund të dalim në një konkluzion final,“- është shprehur një nga hetuesit për mediat belge.
Nuk dihet nëse Turja ishte një person me precedentë penalë apo nëse kishte konflikte për të cilat mund të jetë përplasur.
