Është identifikuar shqiptari, i cili u qëllua me armë nga dy burra në plazhin e Torvaianica-s në Itali.
Mediat italiane raportojnë se bëhet fjalë për 38-vjeçarin Selavdi Shehaj, i cili u qëllua nga dy persona të armatosur teksa ndodhej në mes të turmës së pushuesve.
Sipas rindërtimit të skenës së krimit nga ana e karabinierëve, dy burra mbërritën pranë plazhit, në bordin e një motoçiklete me fytyrat e tyre të mbuluara.
Njëri prej tyre zbriti me armë në dorë, u fut në zonën e plazhit dhe gjuajti drejt një shtetasi me origjinë shqiptare, i njohur për policinë, i cili po e kalonte të dielën buzë detit.
