Gjykata e Posaçme liron nga sekuestroja dhe i kthen automjetin e blinduar BMW të Lulzim Berishës.
Makina e blinduar e Berishës u sekuestrua nga SPAK në kuadër të Operacionit Forca e Ligjit (OFL) më 4 shkurt të këtij viti.
Avokati i tij Detar Hysi, ka deklaruar për mediat, se makina e blinduar e Lul Berishës ka qenë me të gjitha dokumentat e rregullta dhe Gjykata pasi është njohur me to ka vendosur zhbllokimin e mjetit.
BMW e blinduar e ish-kreut të bandës së Durrësit ishte ndër “goditjet” e para të OFL-së, ndaj personave të dënuar. Ky vendim i Gjykatës së Posaçme dhe të tjera më herët, janë kthyer shpesh në qendër të diskursit publik në vend pasi akuzojnë OFL-në se vepron pa prova, dhe duke iu kthyer pas pronat apo makinat e blinduara bosëve të krimit, “certifikon” si të ligjshme pasurinë e tyre.
