Është gjetur i vdekur 51-vjeçari shqiptar Ylli Mera, i cili ishte zhdukur pak kohë më parë. Ai është gjetur i pajetë në një zonë pyjore në Selanik të Greqisë. Familjarët e tij kanë thënë se dyshojnë se Mera është vrarë.
Ndërkohë ende nuk dihen rrethanat se si ka humbur jetën 51-vjeçari, nëse është vërtet një vrasje siç pretendojnë edhe të afërmit e tij. Zhdukja e 51-vjeçarit u raportua disa ditë më parë nga familjarët e 51-vjeçarit, të cilët kërkuan publikimin e të dhënave të njeriut të afërt në mënyrë që të mund të përshpejtohej gjetja e tij.
Lexo edhe: Zhduket në mënyrë të mistershme 51-vjeçari shqiptar në Greqi (EMRI)
Ditën e zhdukjes Ylli Mera ndodhej në punë, por për shkak të aksidentit së partneres së tij, ai u largua nga puna dhe shkoi në stacionin e autobusit lokal për t’u kthyer në banesë, por që atëherë nuk u pa më. Gjurmët e tij kanë humbur në mesditën e 1 nëntorit, në zonën e njohur si Arethousa, në Selanik për tu gjetur i pajetë ditën e sotme.
