Kërkimet për trupin e pajetë të policit Armend Trena do të nisin ditën e sotme, pasi dje ishte pamundur të vazhdohej me tej për shkak të motit jo të mirë. Kërkimet do të vazhdojnë prej orës 09:00. Pista e kërkimeve do të jetë nga ura e Kashanit në drejtim të Hanit të Elezit, raporton Indeksonline nga terreni. Tani për tani, në urën tek vendi i quajtur “Uji i thartë” janë vendosur barriera nga hekuri.
Ekipet e Policisë së Kosovës, njësitet e FSK-së, klubet e zhytësve e shumë vullnetarë po bëjnë përpjekje të gjejnë Armend Trenën.
Ndërsa, para dy ditë është gjetur Malsor Dashi, ku edhe dje me ceremoni është varrosur në varrezat e Kaçanikut. Të dy pjesëtarët e policisë u aksidentuan sot një javë, duke rënë në lumin Lepenc. Pas pesë ditë kërkimesh në lumin Lepenc, është gjetur njëri nga policët e zhdukur në mbrëmjen e së shtunës.
Dy policët Malësor Dashi dhe Armend Trena dyshohet se përfunduan në lumin Lepenc pas një aksident trafiku i cili sipas policisë ndodhi në mbrëmjen e së shtunës që e lamë pas, në rrethana ende të panjohura.
