Një 46 vjeçar i shpallur në kërkim për trafikim të lëndëve narkotike ka rënë në prangat e policisë së shtetit.
Sipas policisë në pranga ka rënë Qamil Muçaj, 46 vjeç, banues në Mallakastër.
46 vjeçari është dënuar për transportin në shkurt 2017 të 1.1 tonëve kanabis në drejtim të Greqisë.
https://streamable.com/8x2ba
Njoftimi i plotë i policisë:
Mallakastër
Vijon zbatimi i planit të masave për kapjen e personave të shpallur në kërkim.
Kapet dhe ndalohet një shtetas për “Trafikim të lëndëve narkotike” i dënuar me 7 vite e 4 muaj burg.
Nga shërbimet e Komisariatit të Policisë Mallakastër, në bashkëpunim me Seksionin për Hetimin e Narkotikëve në DVP Fier, si rezultat i një pune të mirëorganizuar dhe në bazë të informacioneve të marra në rrugë operative, u bë lokalizimi, kapja dhe ndalimi i shtetasit të shpallur në kërkim:
Q.M, 46 vjeç, banues në Mallakastër.
Ndalimi i këtij shtetasi u bë pasi Gjykata e Shkallës së Parë për Krime të Rënda Tiranë me Vendimin e datës 21.05.2018, e ka dënur me 7 vjet e 4 muaj burg për veprën penale “Trafikim të lëndëve narkotike”.
Materialet i kaluan Prokurorisë Pranë Gjykatës së Shkallës së Parë për Krime të Rënda Tiranë për veprime të mëtejshme proceduriale.
