Përveç se dita më e bukur e jetës së tij, mjeku shqiptar në ditën e dasmës ka bërë edhe gjestin e mrekullueshëm, duke i shpëtuar jetën një kalimtareje.
Bëhet fjalë për mjekun shqiptar në Itali, Sokol Berisha, i cili pasi i tha “po” dashurisë së jetës së tij, kur po dilnin nga kisha e Shën Françesko d’Assisi në Matera, pa një zonjë që ishte rrëzuar në tokë.
Menjëherë nuk hezitoi t’i shkonte në ndihmë dhe kështu i shpëtoi jetën 60-vjeçares, duke përdorur defibrilatorin të vendosur në Kishë për ndihmën e shpejtë. Pasi mjeku i dha ndihmën e parë, 60-vjeçarja, e cila ishte turiste, u dërgua në spitalin e Materas.
Berisha, i cili u quajt “dhëndri hero”, njihet në botën e rrejteve sociale si administrator dhe bashkë-themelues i grupit më të madh italian të diskutimeve klinike në mjekësinë e përgjithshme.
