Policia e Beratit ka arrestuar një shtetas të shpallur në kërkim nga drejtësia italiane për veprat penale “Organizatë kriminale” dhe “Trafikimi i lëndëve narkotike”.
Kapja dhe arrestimi i shtetasit u zhvillua në bashkëpunim me Interpol, me qëllim ekstradimin drejt Italisë.
Bëhet fjalë për shtetasin Gazmir Polovina (Gazmend Polovina ose Julian Bebri) 44 vjeç, banues në Berat.
Gjykata e Milanos në Itali në Mars të vitit 2013 e ka dënuar me 15 vite burg pasi në bashkëpunim me shtetas të tjerë shqiptarë dhe italianë kanë qenë të përfshirë në trafik ndërkombëtar të heroinës dhe kokainës.
