Prej ditësh në rrjetet sociale, po qarkullon një video, ku shfaqet një vajzë nga Kosova, e cila qan, pasi e kanë konsideruar tradhtare të kombit.
Bëhet fjalë për Jetmira Avdilin, e njohur ndryshe si Jetmira Ora, e cila po kryqëzohet nga shumë njerëz, madje e kanë kanosur me jetë.
Në një lidhje direkte për “ABC e Mëngjesit”, Jetmira ka sqaruar se gjithçka nisi pasi i kanë vjedhur llogarinë e Tik Tok.
“Unë kam postuar një video, një këngë bullgare ka qenë, nga një muzikë nga radio. Pas 3-4 muajsh, një Tik Tok është hap në emrin tim dhe ka shkruar Serbia. Po nuk e kam bërë këtë, se jam shqiptare. Kjo i ka ofenduar njerëzit që kanë vdekur në luftë dhe më kanë shkruar mua. Si mund ta bësh këtë? Më kanë kërcënuar. Ndërkohë ky acount vazhdon poston prej 3 muajsh.
Unë nuk kam thënë kurrë që do të bëjë vetëvrasje, e ka shkruar po i njëjti person që ka hapur faqen. Unë kurrë nuk do bëja vetvrasje, se para një viti kam humbur një shok, i cili ka bërë vetëvrasje. Ka patur gra që janë nëna që më kanë shkruar: “Të ndihmojmë ne të vrasësh veten”.
Më tej, e pyetur se çfarë lidhje ka me këngëtaren shqiptare me famë ndërkombëtare, Rita Ora, ajo ka treguar se ngjajnë shumë.
“Jo, nuk e kam gjë Rita Orën, po pronari i “Rinora 4” më ka thënë gjithmonë se ti ngjan me Rita Orën dhe aty më ka mbetur. Më tha nëse vjen Rita Ora në Zvicër, ti do vish falas. Një herë në skenë, kanë menduar se jam unë Rita dhe kanë tentuar shumë fansat të më kërkojnë fotot”.
