Një ngjarje e rëndë trondit Leshën ditën e djeshme. Një 65 vjeçar i identifikuar si Lekë Lekgjonaj u qëllua për vdekje me armë zjarri nga një 17 vjeçar, i cili pas krimit të rëndë është arrestuar nga policia.
Sipas policisë vrasja ka motive hakmarrjeje. Mësohet se 17-vjeçarit i kanë vrarë të atin në vitin 2009, dhe vrasja është bërë nga vëllai i viktimës Lekë Lekgjonaj. Ndërkaq dëshmi të reja kanë dal për ngjarjen e ndodhur dje në Lezhë.
Në emisionin “Me zemër të hapur” në Neës24 ka folur një i afërm i 17-vjeçarit Florian Përvathi. Ai tha se Floriani ishte artist, por e la punën. I afërmi tregoi se babai i Floriani u vra pas një konflikti banal.
“Kanë mbetur 4 jetima. Ai ishte artist, por e la punën dhe punonte në një lavazh. Lajmin e mora vesh nëpërmjet medias.
Konflikti mes babait të Florianit dhe 65-vjecarit, ka qene krejt banal. Ne nuk e kemi ushqyer me gjakmarrje. Ai ende si ka bërë 17 vjeç.
Në prill ka ditëlindjen. Babain ia vranë për një dhi që hyri në një kopsht. Në ngjarje u plagos edhe vëllai i Florianit Ai qëndroi me paterica 6 muaj. E ëma vrau veten pak minuta pasi i vranë të shoqin. Floriani u rrit nga gjyshja e cila është 92 vjeç tani dhe është invalide. Gjyshi ka 3 ose 4 vjet që ka vdekur.”, tha i afërmi.
Sa i përket autorit të vrasjes së babait të 17-vjeçarit, ai tha se autori i vrasjes u dorëzua pas një jave dhe më pas u dënua 10 vjet po bëri shumë më pak 5 ose 6 vjet.
