Një i ri me probleme mendore është dhunuar nga një grup të rinjsh . Ngjarja e rëndë është shënuar në Itali. 29-vjeçari dhunohet me shqelma, grushte dhe fyerje racore.
Gjashtë dhunuesit, 5 prej tyre të mitur akuzohen për lëndime të rënda për motive banale dhe urrejtje racore.
Ata filmuan sulmin dhe më pas e postuan në rrjetet sociale për tu mburrur.
Në video dëgjohen të miturit duke e thirrur emigrantin “buba” dhe disa prej tyre e godasin. Policia ndërkohë ka bërë kontrolle në banesat e 6 të akuzuarve.
Rrobat e përdorura gjatë sulmit, celularët, disa gram hashash dhe marijuanë, një shkop bejsbolli dhe disa dorëshkrime që lavdërojnë dhunën janë sekuestruar nga karabinierët.
