Është mbajtur sot seanca dëgjimore e procesit të vlerësimit kalimtar në Komisionin e Jashtëm të Vlerësimit (KJV).
Në këtë seancë të parë të vettingut në polici, përballë trupës gjykuese të përbërë nga Marjeta Gjelaj, Ela Kerka dhe Ana Kapaj vënë Shefi i Sektorit të Ankesave (SHÇBA) Oltion Shehu.
Shehu rrezikon të mos e kalojë vettingun për faktin e mos regjistrimit në sigurimet shoqërore në kohën kur punonte si menaxher në një sallë bingoje.
Shehut i janë gjetur mangësi pasi ndaj tij rezultojnë edhe dy masa administrative ndërsa nuk ka deklaruar saktë pasurinë e tij, një shifër prej rreth 1.4 milionë lekësh.
Inspektori ka argumentuar se në kohën që administronte bingon, ka fituar shuma të konsiderueshme nga bakshishet të cilat nuk kishte se si ti deklaronte, ndërsa avokati i tij ka kërkuar rivlerësim të shpenzimeve, por që nga ana tjetër komisioni i jashtëm i vlerësimit vendosi kontraktimin e një eksperti kontabël, për këtë çështje.
Lidhur me mosdeklarimin e mungesës së pagesës së sigurimeve, Shehu ka thënë se nuk ka qenë në dijeni të këtij fakti.
Oltion Shehu ishte i pari nga lista prej 12 drejtuesve në SHÇBA që iu nënshtrua që u përball me vetingun në radhët e policisë. Ndonëse ishte njoftuar se i pari që do ti nënshtrohej ligjit të vettingut nga uniformat blu ishte Drejtori i Përgjithshëm i Policisë, Ardi Veliu, por kjo nuk ndodhi.
