Punonjësit e Hekurudhës në Durrës janë ngritur sot pasdite në protestë. Mësohet se Drejtuesit e hekurudhës kanë njoftuar punëtorët për shkurtimin e vendeve të punës dhe lajmërimi është bërë përmes një shkrese, por pa shpjeguar motivacionin. Ky vendim është marrë më datë 1 korrik, por u është komunikuar punonjësve 12 ditë më vonë, më datë 13, duke mos iu lënë mundësi të kërkojnë shpjegim.
Kështu që sot, ata protestuan përpara drejtorisë qendrore, por ende nuk kanë marrë asnjë përgjigje zyrtare për shqetësimet e tyre. Ata shprehen se tashmë drejtuesit nuk iu hapin as derën. Aktualisht e vetmja linjë funksionale në vendin tonë është ajo e Shkodër-Lezhë-Milot-Gjormë. Në ditë normale ajo shërben për transport mallrash, ndërsa gjatë 13 të Martave të kishës së Laçit transporton edhe pasagjerë.
