Prokuroria e Përgjithshme i ka nisur një shkresë KQZ për miratimin e rezultateve të verifikimit në zbatim të ligjit nr.138/2015 për garantimin e integritetit të personave që zgjidhen, emërohen ose ushtrojnë funksione publike’ të Arsen Tare Belaj, kandidat për deputet i koalicionit ABEOK, në zgjedhjet e 25 prillit. Prokuroria i kërkon KQZ verifikimin e tij dhe informimin për rezultatin.
KQZ ka konstatuar se Arsen Belaj ka qenë I dënuar në Itali me 1 vit e 8 muaj burg dhe 8.800.000 lireta gjobë për veprën penale prodhim dhe shpërndarje të lëndëve narkotike, parashikuar nga nenet 283/ e 25 të Kodit Penal shqiptar, sipas parashikimeve të kësaj dispozite me ligjin nr.7895 datë 27.01.1995 dënim i cili është pezulluar.
