36 vjeçari shqiptar Emiliano Fejzo i dëbuar 14 herë nga Italia, kërkon sërish riatdhesim nga shteti italian.
I pakënaqur me rekordin, ai u rikthye në Sant’Ilario D’Enza, në provincën e Reggio Emilias, ku iu vunë përsëri prangat në duar.
Por brenda pak muajve u kap sërish në territorin italian e u arrestua për hyrje të paligjshme. Herën e fundit u dëbua më 13 qershor të këtij viti, me një fluturim vetëm vajtje nga Malpensa në Tiranë.
Vendosmëria e shqiptarit ka tërhequr vëmendjen e gazetarëve italianë. I pyetur nga gazetarët e Mediaset, shqiptari iu drejtua Salvinit dhe kërkoi prej tij një punë dhe dokumente italiane për një arsye të fortë.
“Kam ardhur me dhjetra herë në Itali. Më kanë dëbuar, jam nisur sërish. Kam rrezikuar duke kaluar përmes maleve, me arinjtë. Jam fshehur nëpër kamione. Nuk mund të them se si kam hyrë ilegalisht, por ajo që kërkoj është një punë për të ndihmuar shoqen time e cila është e sëmurë, nuk ecën dot, ka Parkinson. Ajo që kërkoj është një puën dhe dokumente si gjithë të tjerët. Kam vjedhur një herë por ju premtoj që nuk bëj më gjëra ilegale”, tha ai.
