I bllokuar në minierë prej tre ditësh/ Vijon puna për kërkimin e minatorit 60 vjeçar

Që prej orës nëntë të mëngjesit të së mërkurës, minatori 60 vjeçar Muharrem Plaku ka mbetur i bllokuar brenda minierës në qytetin e Bulqizës.

Policia e Bulqizës ka nisur hetimet dhe ka marrë në pyetje inxhinierë, drejtues, teknikë dhe minatorë për të mësuar më shumë detaje rreth aksidentit dhe vendin ku ka ndodhur.

Ndërkohë pritet gjetja e minatorit për veprime të mëtejshme, ndërsa nuk është lejuar që në galeri të futen persona të paautorizuar nga ana e Repartit të Inspektim Shpëtim Minierave.