Zbardhen detaje të reja nga të shtënat me armë zjarri mbrëmjen e djeshme në Shkodër. Burime bëjnë me dije se shënjestër e të shtënave ka qenë Ardian Kiri ish-drejtor i ALUZIN-it në Shkodër, i cili akuzohet për vrasjen e Marjan Martinit.
Jo vetëm kaq Kiri akuzohet për tentativë vrasje të Nik GJonulaj dhe djalit të tij Amarildo Gjonulaj. Gjykata e ka dënuar Kirin vetëm për akuzën e “Armë mbajtjes pa leje” me 5 vite burgim ndërsa Apeli e la të lirë.
Ardian Kiri është shpallur në kërkim lidhur me përplasjen e ndodhur mbrëmjen e djeshme, ndërsa në pranga ka rënë vëllai i tij David Kiri.
Po ashtu policia ka shpallur në kërkim Kristian Fermosin, i cili ka debatuar me vëllezërit Kiri mbrëmjen e djeshme. Debati ka degraduar në përdorimin e armëve.
