Komisioni Qendror i Zgjedhjeve ka zhvilluar sot mbledhjen për verifikimin e kandidatëve për kryetarë bashkie në zgjedhjet e 30 qershorit.
KQZ i ka ndaluar kandidimin Alfred Belerit si kandidat i pavarur në Bashkinë e Himarës.
Shkak për këtë vendim mësohet se janë bërë shkeljet që janë gjetur në formularin e dekriminalizimit. Në vitin 2006, Gjykata e Vlorës e ka dënuar me 3 vjet burg për thirrje urrejtjeje nacionaliste.
Alfred (Fredi) Beleri është një emër i njohur, pasi ishte njëri nga anëtarët e komandos ekstremiste të Masakrës së Peshkëpisë e ndodhur në 10 prill 1994 në Gjirokastër.
Pavarësisht asaj që kishte ndodhur në 1994 në Gjirokastër, ai kandidoi për kryetar të bashkisë së Himarës në zgjedhjet vendore të 2015 në siglën e PBDNJ dhe i mbështetur nga opozita e djathtë, por nuk arriti që të fitonte.
