Një ngjarje tronditëse është shënuar në Itali, ku është qëlluar për vdekje 38-vjeçari shqiptar Arbër Xheleshi.
Ky i fundit, ka tentuar për të vjedhur një banesë në Frosinone, por është ndeshur me rezistencën e pronarit që e vrau.
Ngjarja ka ndodhur mbrëmjen e 25 tetorit. Karabinierët kanë mundur ta identifikojnë viktimën, falë gjurmëve të gishtërinjve të pranishëm në bazën e të dhënave ndërkombëtare.
Autopsia përfundoi mbrëmjen e kaluar në Spitalin “Santa Scolastica” në Cassino. Arbër Xheleshi është njohur nga disa familjarë që banojnë në provincën e Trentos. Nga gjetjet hetimore, ka rezultuar se 38-vjeçari jetonte në Campania.
