Një pacient 69 vjeçar i prekur nga Covid-19 nga Kruja ka ndërruar jetë në spitalin infektiv.
Ministria e Shëndetësisë bën me dije se pavarësisht mjekimit intensiv prej 10 ditësh dhe përpjekjeve të stafit mjekësor, 69-vjeçari nuk arriti të mbijetojë.
Në 24 orët e fundit ka rritje të të shtruarve në spitalin infektiv. Aktualisht po marrin shërbim 64 pacientë, 7 prej tyre janë në terapi intensive ndërsa 1 është i intubuar.
Sa i përket rasteve të reja, ato janë konfirmuar: 17 raste në Tiranë, 6 në Krujë, 5 në Lezhë, nga 4 raste në Shkodër, Durrës, Fier, 3 në Korçë, 2 raste në Vlorë dhe Elbasan dhe nga 1 rast përkatësisht në Kurbin, Mirditë dhe Sarandë.
Në vendin tonë janë aktualisht 682 persona aktivë me COVID19, kryesisht në Tiranë, Shkodër, Krujë.
Shpërndarja gjeografike e rasteve aktive sipas qarqeve:
Tiranë -317
Durrës -140
Shkodër -112
Vlorë -45
Fier -28
Lezhë -12
Elbasan -11
Korçë -10
Kukës -5
Gjirokastër -1
Berat -1
