Mëngjesin e kësaj të enjte një 16 vjeçar nga Kosova i infektuar me Covid ka humbur jetën.
Infektologia nga Spitali Regjinal i Gjilanit, Dr. Selvete Shurdhani, ka bërë me dije se ka humbur betejën me Covid një 16 vjeçar nga Vitia.
Adoleshenti prej 8 ditësh ndodhej në gjendje të rëndë dhe fatkeqësisht si pasojë e temperaturës së lartë dhe problemeve të shumta në mushkri i riu ka ndërruar jetë.
Raportohet se ky është rasti i parë në Kosovë moshë të re që nuk i mbijeton virusit. Nga fillimi i pandemisë e deri më tani në Kosovë kanë humbur jetën 1,674 persona.
