Këngëtari i njohur i grupit “Ilirët” Shemsi Krasniqi ka humbur bashkëshorten nga një sëmundje e rëndë.
Ai përmes një postimi në rrjetet sociale, këngëtari u bën thirrje miqve se ka zgjedhur që të gjitha ngushëllimet ti marrë përmes rrjeteve sociale dhe jo në shtëpi, kjo prej koronavirusit që tashmë është kthyer në një rrezik serioz.
Postimi i plotë:
Të dashur familjar dhe miq. Me dhimbje të thellë ju njoftoj se pas një sëmundje të rëndë ndërroi jetë më e dashura e jonë Shpresa, bashkëshortja ime, nëna e dy djemëve të mi. E di, unë e di që Ju tani do të kishit dëshirë të jeni afër meje tani në këto momente tepër të vështira për mua dhe familjen time.
Me respektin më të madh për Juve, e kam zgjedhë këtë formë për të qenë Ju me mua. Tani në këto momente kur krejt bota po përballet me virusin corona, unë dhe familja ime dëshirojmë më të mirën për Ju. Ne nuk dëshirojmë të rrezikojmë shëndetin e as njerit nga Ju e as nga familje ime.
Përmes faqes së Facebook mund të na shprehni ngushëllime. Ju lutem duajeni njeri tjetrin, kujdesuni për njeri tjetrin. Shëndet! Shemi, Bonisi, Uliksi dhe familja Krasniqi.
