Një muaj qëndroi në Shqipëri, ama ishin të shpeshta ditët kur nuk u bë pjesë e mediave. Herë si pjesë e thashethemeve, e herë tjetër për talentin si dhe jetën e saj të vështirë Hueyda El Saied, ka qenë ndër të preferuarat e mediave këto javë. Por tashmë ajo ka vendosur të largohet, por ja çfarë shkruan ajo pas ikjes nga Shqipëria:
“Miqtë e mi Gabrieli dhe unë po kthehemi në Luksemburg aty ku jetojmë prej 5 vitesh dhe nuk e dimë kur do të vijmë përsëri në Shqipëri. Ndërkohë doja t’iu falenderoj të gjithëve për mbështetjen, inkurajimet, fjalët e ngohta dhe respektin që na keni dëshmuar përgjatë këtij muaji që kaluam në Shqipëri. Një mikesha ime para disa ditësh më tha : “Po mos i trego të gjitha sekretet e tua…” E di që ka të drejtë, ndonjëherë duhet dhe t’ua kursej ndonjë “çmenduri”, por unë nuk harroj kurrë që si artiste ekzistoj falë jush, falë duartrokitjeve, inkurajimit dhe kritikave tuaja. Për më tepër kam lindur dhe jam rritur në Tiranë, ku në çdo hap që hedh ndesh një pediatre që më ka vizituar kur isha femijë, një shitëse që më ka shitur akulloren e parë, një mësuese që më ka mësuar alfabetin, një mikeshë me të cilën kemi luajtur syllambyllasi, e plot njerëz të tjerë të cilët më kanë mësuar dhe dhuruar aq shumë sa që nëse do të filloja të shija mend e të fluturoja do të më tregonin diçka që do të me sillte direkt në tokë…Me pak fjalë, kam vendosur të ndaj me ju jo vetëm gëzimet apo sukseset e mia, por dhe lëndimet dhe dhimbjet e një njeriu që nuk harron nga vjen… Ka njerëz që paguajnë psikanalistët për të bërë një terapi, unë kam fatin ta bëj këtë terapi me ju ?Faleminderit për gjithçka !
P.s – Nona, teze Opa dhe mami më mori malli dhe pse vetëm 1h30 minuta larg jush.”
