Kryeministri Avdullah Hoti, në konferencën e përbashkët me komisionerin për Fqinjësi dhe Zgjerim të BE-së, Oliver Varhelyi foli për dialogun mes Kosovës dhe Serbisë.
I pyetur se çfarë do të ndodhë në rast se nuk do të arrihet një marrëveshje finale brenda një viti apo edhe më shumë vitesh, Hoti ka thënë se Kosova dhe Serbia do të vazhdojnë rrugëtimin e tyre si dy shtete të pavarura të cilat nuk e njohin njëra-tjetrën.
” Kosova mbetet e përkushtuar për normalizim të raporteve mes vendeve dhe se një normalizim i tillë mund të arrihet në rast se do të ketë njohje reciproke“, është shprehur Hoti.
