Ministri për Çështjet e Sigurisë në Hollandë, Klaas Dikhof ka deklaruar se shqiptarët që nuk fitojnë azil nuk do të marrin më shumën prej 200 euro për të rriturit dhe 40 për fëmijët që të largohen nga vendi.
Dikhof është shprehur se Shqipëria është tashmë një vend i sigurt dhe shqiptarët nuk kanë pse kërkojnë azil në Hollandë. Qindra shqiptarë dhe qytetarë të Ballkanit Perëndimor kërkojnë azil në Hollandë dhe presin tetë muaj për të marrë vendimin. Pagesa për të inkurajuar largimin vullnetar nga vendi ishte vendosur pasi kërkesa zakonisht u refuzohej, por tani kjo proçedurë do ndalet deklaroi ministri.
