Viktima është shtetasi 39 vjecari Klodi Serra
Një 39 vjeçar shqiptar u aksidentuar për vdekje pasditen e sotme në një autostradë në Itali. Mediat italiane shkruajnë se viktima është shtetasi Klodi Serra, shofer kamioni, por që sot po udhëtonte me një mjet të vogël tip Renault. Aksidenti ndodhi rreth orës 15.25 minuta në kilometrin e 21-t të autostradës Siena-Bettolle. Shqiptari punonte për një kompani në Perugia. Për arsye ende të paqarta, shqiptari ka humbur kontrollin e mjetit dhe është përplasur dy herë në autostradë. Mediat italiane shkruajnë se nuk është parë përplasje me ndonjë automjet tjetër. Shqiptari ka humbur jetën në vend.
