Një lajm i mirë për të gjithë shqiptarët në Amerikë, në shkollat e New York-ut do të jepet mësim në gjuhën shqipe. Sipas sipas një studimi të Qendrës së Harvardit janë rreth 60.000 rezidentë shqiptarë që jetojnë në New York, më shumë se në asnjë shtet tjetër.
Më shumë se gjysma banojnë në New York City, me enklavat më të mëdha që ndodhen në lagjet e tilla Bronksit si Pelham Parkway, Morris Park, Bedford Park dhe Belmont.
Shkolla “PS 105 Senator Abraham Bernstein School” në Morris Park do të jetë e para shkollë që do ofrojë gjuhën shqipe.
Kreu i këshillit te Bronksit Shqiptaro Amerikani Mark Gjonaj deklaroi se ishte krenar që kishte punuar për këtë projekt të rëndësishëm për komunitetin shqiptar në New York.
Departamenti amerikan i arsimit do te hapë programe të reja mësimore në gjuhën arabe, bengale, kineze, frënge, italiane, koreane, polake, ruse, spanjolle dhe në urdu.
