Për një fëmijë ndodh shpesh që thyerja e një ëndrre është një plagë e madhe në krejt jetën e tij. Një talent që mund të kishte jetë të mbarë befas e sheh veten në një jetë a profesion që nuk e ka dashur kurrë. Kjo është historia e fëmijëve të Fushë-Prezës, të cilët ëndërrojnë prej kohësh një gjë krejt të thjeshtë: një fushë të munguar futbolli.
“Unë e dua futbollin. Unë nisa të luaj në këtë fushë kur isha 6-7 vjeç, nga kjo moshë unë ndiqja futbollin hap pas hapi. E kam nisur tek kjo fushë që më vjen shumë keq ta them se është shkatërruar totalisht pas ndërtimit të një rruge, dhe inertet e saj janë hedhur brenda kësaj fushe, që tani nuk të jep më asnjë mundësi që të luash.” u shpreh futbollisti Pëllumb Zela.
Njëri prej fëmijëve shprehet i shqetësuar se në mungesë të fushës ata gjejnë rrugën për të luajtur duke rrezikuar kështu dhe jetën.
“Sot ishim duke luajtur futboll, një shok po shkonte të kapte topin dhe përpak sa nuk e përplasi makina. Ne nuk mund të lkuaj dotë në fushë sepse fusha është shumë e lagur dhe e mbuluar me gurë dhe mbeturina” , shprehet djaloshi.
