Media pranë Ramës nxorri mbrëmë të gjithë batarenë e saj për të sulmuar opozitën, për atë që ata e mendonin si publikuese të imazheve të forta të fotove nga morgu i Tiranës, ku viktimat e Covid, dergjeshin në tokë, vetëm një ditë pasi kreu i PD-së denoncoi nga studio e “Opinion” fshehjen e numrit të viktimave në spitale nga qeveria.
Kjo media e cila mesa duket dozat e hipokrizisë dhe mungesës së sinqeritetit i ka me tepri, në një rast analog nuk është kujdesur aspak të ruajë etikën edhe pse nuk ka asnjë vend për dyshime për ngjashmërinë e subjektit të lajmit.
Pas një fact checking të kryer në vetëm dy prej këtyre mediave, “Shqiptarja” dhe “GazetaTema” rezulton se këto media janë sjellë ndryshe në publikimin e fotove nga morgu në SHBA ku viktimat shtrihen në tokë dhe ndryshe ulërasin kur vjen fjala për lajme që kanë imazhe edhe më të ndjeshme, siç janë ato ku familjarët tanët shtrihen në pllakat e morgut. Më poshtë po iu rezervojmë vetëm dy shkrime të publikuara në “Shqiptarja” dhe “GazetaTema” për të kuptuar se të ndjeshëm janë botuesit e tyre kundrejt imazheve të tilla./syri
