Gonzalo Higuain ka ndezur shpresat e tifozëve të Napolit këtë vit, se ekipi i tyre mund të fitojë sërish titullin kampion, pas disa dekadash.
Por, tek Napoli janë të shqetësuar për të ardhmen e sulmuesit argjentinas.
Kontrata e tij skadon në vitin 2018, megjithatë Higuain ende nuk ka bërë të ditur nëse do ta rinovojë apo jo atë.
Ndërkohë, në ndjekje të tij janë vënë ekipe më prestigjioze se Napoli, si Çelsi dhe PSG.
Kjo mund të bëjë që Higuain të vendosë të largohet nga Napoli, sidomos nëse nuk e fiton as këtë vit titullin.
Klauzola për largimin e tij është 90 milion euro, por Çelsi dhe PSG e kanë treguar se nuk i kanë problem shifra të tilla.
