Një pacient me koronavirus është hedhur nga ballkoni i COVID 1. Deri më tani nuk dihet identiteti i pacientit, ndërsa mësohet se ai ishte 70 vjeç dhe ka marrë dëmtime serioze.
Mësohet se pacienti ishte i shtruar prej një jave në spitalin Infektiv, ku po trajtohej për koronavirusin. Aktualisht policia ndodhet në vendin e ngjarjes.
Ky është rasti i katërt i hedhjes nga lartësia të personave me Covid-19. Tre rastet e para kanë qenë tragjike. Dy prej të sëmurëve janë hedhur nga spitali “Shefqet Ndroqi“, kurse një tjetër u hodh nga banesa e tij në Tiranë.
