Jupp Heynckes ka debutuar me fitore të thellë në krye të pankinës së Bayern Munchen. Bavarezët mundën në “Allianz Arena” përpara tifozerisë ekipin e Freiburg, duke u rikthyer te fitorja pas tre javësh. Dy takimet e fundit, Bayern kishte barazuar me Wolfsburg dhe Hertha Berlin, duke humbur terren ndaj fitoreve radhazi të Dortmund. Pikërisht për shkak të rezultateve të dobëta u largua nga pankina bavareze trajneri italian Carlo Ançelotti.
Schuster dhe Coman çelën serinë e golave për bavarezët në minutën e 8 dhe 42. Bayern ishte i pandalshëm edhe pjesën e dytë duke shënuar tre herë me Thiago Alcantara 63′, Lewandowski 76 dhe Kimmich në 90+3. Rekordmenët gjermanë renditen të dytët në Bundesliga me 5 pikë më pak se kryesuesit e Borussia Dortmund të cilët luajnë nesër në “Signal Iduna Park” ndaj nënkampionëve të sezonit të shkuar, Leipzig.
