Prokuroria e Përgjithshme pas akuzave të Partisë Demokratike ka nisur hetimin për të kaluarën e kryebashkiakut të Vorës Agim Kajmaku.
Burimet bëjnë me dije se të hënën i drejtuan një kërkesë sekretarit të përgjithshëm të PD-së, Gazmend Bardhi për t’i vënë në dispozicion të gjitha dokumentat e bëra publike.
Në dokumentat e publikuara nga Partia Demokratike, Kajmaku akuzohej për një sërë shkeljesh në shtetin fqinj, Greqi.
Sipas tyre rezulton se Agim Kajmaku është arrestuar në 2003 në Greqi nën emrin Jorgo Toto, për falsifikim monedhash dhe i ka ikur gjykimit duke u kthyer në atdhe, janë në gjuhën greke dhe janë dërguar për përkthim.
Kryebashkiakut i janë marrë edhe shenjat e gishtërinjve, të cilat do të dërgohen për krahasim në shtetin fqinj, ku ai dyshohet të jetë në koflikt me ligjin.
