Selim Çekaj ka rënë në pranga pasi policia kapi 49 kilogranë kokainë në portin e Durrësit. Lënda narkotike u gjet në një kontejner me banane që vinte nga Ekuadori për llogari të firmës së Çekajt në Maminas, “Ecoalmax”.
Selim Çekaj është babai i Arbër Çekajt, i cili ndodhet ne qeli për 613 kg kokainë të kapur në portin e Durrësit, po në kontejnerë me banane që vinte nga Kolumbia për llogari të firmës së tij “Arbri Gardën”.
Mësohet se hetimi kishte një muaj që kishte nisur, sa herë ka pasur transporte me kontejnerë përmes portit të Durrësit kontrolloheshin të gjithë.
Raportohet se kontejneri po mbahej në vëzhgim që nga nisja deri në portin e Durrësit, dhe i ishte vendosur çip. Gjatë operacionit ka pasur bashkëpunim edhe me agjencitë e huaja. Sakaq, Selim Çekaj ka mohuar që droga të jetë e tij.
