Vijojnë hetimet për vrasjen e trefishtë të Brilant Martinaj, Dilen Vata dhe Arbër Hoxhas ditën e djeshme në Fushë Krujë.
Nga hetimet më të fundit, raportohet se vrasësit kanë shtënë 90 herë me armë zjarri drejt viktimëve.
Kontrollet vijojnë, pasi dyshohet se bashkëpunëtorët dhe personat që kanë ndihmuar në atentat mund të jenë fshehur në zonat e Fushë Krujës.
Referuar dinamikës së ngjarjes, dyshohet se autorët janë vrasës me pagesë, kjo nisur edhe nga e shkuara kriminale e viktimave.
Pista kryesore ku është fokusuar grupi hetimor është larja e hesapeve dhe hakmarrja.
Autorët kanë vendosur lëndë djegëse në makinën, ku ndodheshin tre viktimat. Dyshohet se kjo është teknikë ushtarake, që përdoret në ushtri. Kjo ngre dyshime që autorët e masakrës kanë qenë të mirë përgatitur dhe me pagesë.
