Vëllai i ish-deputetit të Partisë Demokratike Vili Minarollit, Rifat Lalo ka humbur jetën në spitalin Infektiv, pasi ishte infektuar me koronavirus.
Por mbesat e tij pasi denoncuar stafin e Spitalit Covid1 se nuk i kanë shërbyer të atit, janë nën hetim nga policia. Lidhur me këtë ish-deputeti shkruan se tani atyre u duhet të përballen edhe me një procedim gjyqsor kur kanë edhe të jëmën me infeksion në shtëpi.
Reagimi i plotë
“Të dashur miq të fb dhe më tej, u informova se mjekja e infektivit që përmendet me emër nga dy mbesat e mija ka hapur një çështje penale?!! ndaj tyre. E drejta e saj.
Po ju drejtohem edhe juve të jepni gjykimin tuaj:
Mendoni sikur secili prej jush të ndodhej në atë situate kur babai i tyre, idhulli i tyre në çastet e fundit të jetës u kërkonte ta nxirrnin nga ai vend ku e kishin lënë të braktisur dhe nuk e prekte njeri me dorë dhe në komunikim me mjeken ajo u thoshte se po i bënin skaner dhe të gjitha mjekimet. Pas disa çastet babai i tyre ndrroi jetë.
Tani gjykoni dhe ju, kë duhet të besonin vajzat, babanë apo mjeken? Njeri nuk thoshte të vertetën dhe në këtë rast ai/ajo quhet gënjeshtar. Ka emër tjetër?
Pastaj mendoni gjendjen psikologjike të tyre në ate moment !
Tani atyre u duhet të përballen edhe me një procedim gjyqsor kur kanë edhe të jëmën me infeksion në shtëpi.
Nuk i shkruajta këto rradhë për të ndikuar tek drejtesia. Ajo të bejë detyren e saj, por si duket në vendin tonë humanizmi dhe njerëzorja po i humbet vlerat.
Asnjë mos e përjetoftë ( edhe hasmii )atë që përjetuan dhe vazhdojnë të përjetojnë mbesat e mija”, shkruan ai.
