Dhjetra fëmijë në fshatin Zhaojue në Kinë u duhet që të kalojnë një rrugë shumë të vështirë për të shkuar në shkollë, aq sa u rrezikohet dhe jeta.
Rruga për të shkuar në shkollë është e gjatë 3 kilometra dhe si të mos mjaftonte gjatësia e rrugës, fëmijëve u duhet që këto 3 kilometra t’i bëjnë duke u ngjitur në majën e malit Schicuan, sepse aty ndodhet shkolla.
Fëmijët e ngjisin majën e malit me disa shkallë hekuri të improvizuara, nga vetë banorët e zonës, të cilat u lehtësojnë disi kacavjerrjen, por kurrsesi nuk ulin rrezikun që fëmijët të aksidentohen, ose më e keqja të humbin jetën.
Ky fenomen është denoncuar disa herë nga fëmijët e prindërit tek autoritetet vendore, por ende nuk është bërë asgjë për këta heroj të vegjël.
/cnn.com/
