Read more
Sali Berisha ka mbajtur një fjalim nga selia blu në mbyllje të protestës kombëtare.
Ai deklaroi se protesta e sotme e tmerroi kryeministrin Edi Rama ndërsa shtoi se nuk do të ketë paqe në këtë vend me atë që kanë vjedhur dhe vjedhin pasuritë publike dhe përdorin ligjet dhe mandatet e krimit. Ai tha se kjo qeveri do të përfundojë në Lanë dhe koshat e plehrave të historisë.
“Një përshëndetje dhe mirënjohje të pa kufijshme me guximin trimërinë dhe qëndresën tuja nderuat këtë datë, përmbysjen e diktaturës.
I dhatë goditjen e merituar diktaturës së sotme, kjo ishte një betejë e shkëlqyer dhe ju garantoj se tjetra do të jetë edhe më e shkëlqyer dhe për Ramën nuk do të ketë më vrimë miu ku të futet. Kryengritja paqësore do t’i japë atij ndëshkimin që meriton. Nuk ka paqe me ata që vjedhin si hiena pasuritë e shqiptarëve”, tha ai.
“Përdorin ligje dhe mandate krimi për të mbrojtur vjedhjet e tyre. Qendresa jonë dhe ndëshkimi ynë…Ata do të përfundojnë në lanë, në koshat e plehrave . E patë vetë si na kishin rrethuar, por a ka rrethim që na pengon ne? Kurrë. Edi Rama jep dorëheqjen se do të tërheqim ashtu siç nuk ta pret mendja.”, tha ai.
“Ajo që bëri Rama ishte akt i shëmtuar, po ajo vetëm rrit vendosmërinë e kryengritësve për të hedhur në lanë atë dhe regjimin e tij. Sot ne fituam një betejë, zhvilluam betejën më të bukur, por më madhështore dhe më e fuqishme do jetë ajo që vjen. Nuk ka paqen me Ramën; me Ramën ka vetëm betejë.”, tha Berisha.
gijotina.com/
