Nga Albert Nikolla
Torta, shqiponja dhe kurbani i 100 deshëve të Pavarësisë!
Heqja e shqiponjës nga rrethrrotullimi është një akt tejet pozitiv! Vënia e atij simboli në një vend grotesk e të pakuptimtë në mes të pluhurit me rastin e 100 vjetorit të Pavarësise nga një parti politike dhe presidenti i njëanshëm i asaj kohe, ishte një akt i shëmtuar në harmoni të plotë me spektaklin e tortës në Sheshin Skenderbej! Simbolikat e një populli dhe të një shteti nuk janë prerogativë e partive politike! Heqja e shqiponjës me simbol të keqpërdorur ndihmon edhe në harresën e komedisë së tortës së pavarësisë!
Qeveria e asaj kohe kishte dhënë urdhër për përgatitjen e tortës së madhe sa një shesh, kurbanin e njëqind deshëve dhe shqiponjën në rrugë ku kishte përqëndrimin më të lartë nga ndotja prej tymit! Madje qëllimi i simbolit të shqiponjës ishte, me sa duket, që autori i saj të dekorohej me titullin Nderi i Kombit!
Torta u bë gazi i botës, 100 deshtë më duket shpëtuan nga urdhëri për kurban i Qeverisë së atëhershme pasi nuk kishte ‘kasapë vullnetarë’! Kasapët ofroheshin vetëm me pagesë!
Tani simboli i shqiponjës po shpëton prej pluhurit dhe manipulimeve me ‘ndera kombi’! Simboli i shqiponjës e ka vendin në flamur dhe është krenaria e çdo shqiptari dhe nuk duhet përdhosur me tortë, pluhur e kurban deshësh!
Ashtu siç pati demonstratë me lugë në brez për tortën, po ashtu mund të ngrihen përsëri militantë me lugë drejt ish sheshit Shqiponja! Por në ndryshim nga torta, shqiponja fluturon lart!
