Pas helmimit të 100 personave pak ditë më parë në Peshkopi, policia ka nisur procedim penal për pronarin e pastiçerisë.
Policia bën me dije se procedimi ndaj 39 vjeçarit G.S., nisi pasi dyshohet se ai duke pasur një aktivitet “Pastiçeri”, në qytetin e Peshkopisë ka shitur ëmbëlsira (Tortë), jashtë kushteve dhe standardeve, ku për pasojë persona të grup moshave të ndryshme janë helmuar dhe po trajtohen në spitalin, aktualisht jashtë rrezikut për jetën.
Materialet hetimore i kaluan Prokurorisë pranë Gjykatës së Shkallës së Parë Dibër për veprën penale “Prodhimi dhe shitja e ushqimeve dhe e lëndëve të tjera të rrezikshme për shëndetin”.
