Ish-kryeministri Sali Berisha ka reaguar për helmimin masiv të qytetarëve që po ndodh në Krujë.
Përmes një statusi në Facebook, Berisha shkruan se shkaku i helmimit është ujësjellësi elektoral i Edi Ramës, por ky shkak mbahet i fshehtë.
Reagimi i ish-kryeministrit Sali Berisha:
Helmimi masiv i qytetarëve të Krujës vepër kriminale e ujësjellësit elektoral të narkoshteti.
Te dashur miq, prej tre ditësh qindra e qindra banorë të qytetit të Krujës u helmuan nga uji i ujësjellësit elektoral të Edvin Kristaq Ramës të inauguruar në kulmin e fushatës elektorale.
Qindra prej tyre mjekohen në shtëpi për mungesë shtretërish në spital.
Gjer tani shkaku real i helmimit mbahet sekret nga narkoshteti vetëm e vetëm për të mos vënë gishtin mbi ujësjellësin elektoral të Edvinit.
Duke ju uruar shërim të shpejtë dhe të plotë të gjithë qytetarëve të Krujës i bëj thirrje OBSH-së të ndërmarrë një hetim të pavarur për shkaqet e vërteta të këtij akti kriminal të narkoshtetit dhe kreut të tij të meduzës.
