Banorët e tre fshatrave në zonën e Matit kanë dalë sot në protestë, kundër ndërtimit të tre heceve në Zall Gjoçaj.
Banorët janë përplasur me kordonin e policisë që ka shkuar në ndihmë të firmës private. Gjithashtu ata janë shprehur se nuk do të lejojnë ndërtimin, sepse vetëm me këtë ujë jetojnë.
Mësohet se banorët kërkojnë që të ngrejnë çadra dhe të ngujohen në mënyrë që të mos lejojnë vijimin e mëtejshëm të ngritjes së hidrocentralit.
“Me kë jeni ju, me popullin apo me firmën?! Kush është ligji për ju, ajo që iu thotë firma”, ishin disa nga fjalët që qytetarët iu drejtuan kordonit policor, ndërsa nuk kanë munguar as shtyrjet mes palëve.
“Ne vetëm me këtë ujë jetojmë. Nuk kemi asnjë pasuri tjetër”.
